BQO-da tikushaqtyń apatty jaǵdaıda qonýy: Zardap shekkender bar

ASTANA. QazAqparat – Batys Qazaqstan oblysynda shuǵyl qonǵan tikushaq ekıpajynyń arasynda zardap shekkender bar. Bul týraly Azamattyq avıatsııa komıtetinen málim etti, dep habarlaıdy QazAqparat.

Búgin BQO-da «Qazavıaqutqarý» AQ tikushaǵy apatty jaǵdaıda qonýǵa májbúr bolǵanyn jazǵan edik.

Azamattyq avıatsııa komıtetinen naqtylap ótkendeı, Chapýrıno eldi mekeninen 6 km qashyqtyqta bolǵan. Saǵat 15:50-de «QazTransOıl» AQ tapsyrysy boıynsha qubyrdy áýeden sholý úshin ushyp shyqqan «Qazavıaqutqarý»AQ-nyń Mı-8 tikushaǵy jerge qatty ekpinmen qonǵan.
«Bortta 5 ekıpaj múshesi jáne 2 jolaýshy bolǵan. Aldyn ala málimet boıynsha, jaraqat alǵandar bar. Oqıǵa ornyna TJD qyzmetkerleri jiberildi.
QR Indýstrııa jáne ınfraqurylymdyq damý mınıstrliginiń Kóliktegi oqıǵalar men ıntsıdentterdi tekserý departamenti tergeý júrgizetin bolady», - delingen komıtet habarlamasynda.