BQO-da tikushaq apatynan zardap shekken eki adam aýrýhanaǵa jatqyzyldy

ORAL. QazAqparat - Batys Qazaqstan oblysynda tikushaq apatynan zardap shekken eki adam aýrýhanaǵa jatqyzyldy, dep habarlaıdy QazAqparat tilshisi.

BQO densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, atalmysh oqıǵadan 1961 jáne 1987 jylǵy er adamdar jaraqat aldy.

«Aldyn ala málimet boıynsha ekeýi de bas pen mıdyń jabyq jaraqatyn alyp, mılary shaıqalǵan. Oǵan qosa bas tóbesi soǵylǵan. Ekeýi de qalalyq kópbeıindi aýrýhananyń neırohırýrgııa bóliminde jatyr. Jaǵdaılary turaqty», dedi QazAqparat tilshisine A.Saqposynova.

Eske sala keteıik, budan buryn BQO-da apatty jaǵdaıda qonǵan tikushaqtaǵy 4 adamnyń mert bolǵanyn jazǵan edik.