BQO-da teris qylyq jasaǵany úshin polıtsııa qyzmetkeri jumystan shyǵaryldy
ORAL. QazAqparat - Budan buryn ǵalamtor jelilerinde BQO-nyń Aqsaı qalasynda polıtsııa qyzmetkeriniń teris qylyq jasaǵany jóninde beınerolık tarap ketken bolatyn.
Soǵan baılanysty júrgizilgen qyzmettik tergeý nátıjesi boıynsha qyzmettik tártipti, QR memlekettik qyzmetshileriniń Ar-namys kodeksin óreskel buzǵany úshin «Quqyq qorǵaý qyzmeti týraly» QR Zańynyń 80-baby 1-bólimi 12-tarmaǵyna (qyzmettik tártipti óreskel buzý) jáne 13 tarmaǵyna (quqyq qorǵaý organdarynyń atyna nuqsan keltiretin áreket jasaý) sáıkes Bórli aýdandyq ishki ister bólimi jergilikti polıtsııa qyzmeti jol-patrýldiń polıtsııa vzvodynyń polıtseıi ishki ister organdarynan shyǵaryldy, dep habarlaıdy «QazAqparat» HAA tilshisi.
BQO ishki ister departamentiniń baspasóz qyzmetinen túsken málimetke qaraǵanda, jeke quram arasynda tárbıe jumysyn júrgizbegeni úshin aýdandyq ishki ister bólimi jáne BQO ІІD jergilikti polıtsııa qyzmetiniń basshylyǵy qatań tártiptik jazaǵa tartyldy.
Aıta keteıik, atalǵan qyzmetker jumystan shyǵyp, tanysyna kezdesip, araq ishken. Sodan keıin mas kúıinde turǵyn úılerdiń aýlasynda dáret syndyrǵan ári jolǵa jatyp qalǵan.
