BQO-da Teńiz ken ornynan kelgen taǵy tórt turǵynnan koronavırýs anyqtaldy
ORAL. QazAqparat – BQO-da Atyraý oblysyndaǵy Teńiz ken ornynan kelgen taǵy tórt turǵynnan koronavırýs anyqtaldy, dep habarlaıdy QazAqparat tilshisi.
BQO ákimdigi málim etkenindeı, olar – 25, 30, 33 jáne 37 jastaǵy óńir turǵyndary. Oblysqa kelisimen atalǵan turǵyndar karantındik statsıonarǵa jatqyzylyp, zerthanalyq synama alynǵan.
COVID-19 dıagnozy rastalǵannan keıin bári de oblystyq juqpaly aýrýlar aýrýhanasyna ornalastyryldy. Naýqastarmen qarym-qatynasta bolǵandar anyqtalyp,
medıtsınalyq baqylaýǵa alyndy.
Aýrý oshaqtarynda dezınfektsııalyq jumystar júrgizildi. Osylaısha BQO-da syrqattanǵandar sany 193-ke jetip, sonyń 31-i emdelip shyqty.
Eske sala keteıik, budan buryn BQO-da sońǵy tirkelgen úsh naýqastyń Teńiz ken ornynda jumys isteıtinin jazǵan bolatynbyz.
