BQO-da tanysyn óltirgen turǵyn 11 jylǵa sottaldy
ORAL. QazAqparat - BQO qylmystyq ister jónindegi mamandandyrylǵan aýdanaralyq sotynyń 22 qańtardaǵy úkimimen A.Kornev QR QK 99-baby 1-bóligine sáıkes aıypty dep tanyldy, dep habarlaıdy «QazAqparat» tilshisi.
Atalmysh sot tóraǵasy Qaırat Shalqarovtyń aıtýynsha, sot talqysynda anyqtalǵanyndaı, Zelenov aýdany Rýbejın aýylynda turatyn Aleksandr Kornev ótken jyldyń 3 qazany kúni tańerteńgilik saǵat 09.00-de D.Bajınniń úıine kelip, onymen jáne N.Kýtýbaevpen birge spırttik ishimdik ishken.
Saǵat 13.30 shamasynda úıge E.Tretıakova kelip, D.Bajınmen birge turatyn R.Kınjeevaǵa qosylyp, araq ishken. Sodan keıin spırttik ishimdik bitken soń, A.Kornev pen E.Tretıakova araq ishýdi jalǵastyrý úshin áıeldiń úıine keledi. Іshimdik ishý barysynda ekeýiniń arasynda kelispeýshilik paıda bolyp, aqyry A.Kornev mas kúıinde áıeldi baýyzdap óltirgen.
Sot úkimimen A.Kornev 11 jyl bas bostandyǵynan aıyrý jazasyn qaýipsizdigi joǵary qylmystyq-atqarý júıesiniń túzetý mekemesinde óteýge sottaldy.
Sot úkimi zańdy kúshine engen joq.
