BQO-da tamyz aıynda 2500-den astam adam koronavırýs juqtyrdy
BQO sanıtarlyq-epıdemıologııalyq baqylaý departamenti basshysynyń orynbasary Nurlybek Mustaevtyń óńirlik kommýnıkatsııalar qyzmeti alańynda ótken brıfıngide málim etkenindeı, sonyń 1582-si nemese 62 paıyzy JRVI belgileri boıynsha tekserilgen kezde anyqtalǵan.
Sondaı-aq 536-sy (21 paıyzy) profılaktıkalyq maqsatta qaralsa, 399-y (16 paıyzy) buryn aýyrǵandarmen jaqyn qarym-qatynasta bolǵan. 27 adamnan (1 paıyz) epıdemıologııalyq qadaǵalaý maqsatynda synama alynǵan.
Іndet juqtyrǵandardyń 923-i (37 paıyzy) Oral qalasynda, 413-i (16 paıyzy) Bórli, 398-i (15 paıyzy) Báıterek, 134-i (5 paıyz) Terekti, 122-si (4,8 paıyzy) Tasqala, 119-y (4,7 paıyzy) Kaztalov aýdanynda tirkelgen.
Aýyrǵandardyń 327-si – 14 jasqa deıingiler, 98-i – 15-17 jas, 181-i – 18-25 jas, 628-i – 26-40 jas, 760-y – 41-60 jas aralyǵyndaǵylar, 550-i – 60-tan asqandar. ıAǵnı koronavırýs 41-60 jastaǵylar arasynda kóbirek taralyp otyr.
Osy aıda tirkelgen naýqastardyń 1151-i nemese 45,2 paıyzy – jumys isteıtinder, 670-i (26,3 paıyzy) – jumyssyzdar, 553-i (21,7 paıyzy) – zeınetkerler.
Sońǵy aptada (13-19 tamyz) aldyńǵymen (6-12 tamyz) salystyrǵanda, aýrý juqtyrý kórsetkishi 8,1 paıyzǵa (953-ten 875-ke) tómendedi.
«Oblysta monıtorıngtik toptar óz jumystaryn jalǵastyrýda. Sońǵy aptada 76 reıd kezinde 672 nysan qamtyldy. 11 nysanda karantın tártibin buzýshylyq anyqtaldy. QR Ákimshilik quqyqbuzýshylyq kodeksi 425-baby 1-bóligine sáıkes 26 hattama toltyrylyp, 1 mln 137,630 myń teńge aıyppul salyndy. Sondaı-aq osy merzimde qyzyl jáne sary mártebesi bar 77 adamnyń (46-sy – qyzyl) «Ashyq« jobasyna qatysatyn nysandarǵa kelgeni anyqtaldy. Anyqtalǵan zańbuzýshylyqtar boıynsha atalǵan bapqa sáıkes 63 hattama toltyrylyp, 2 mln 727,395 myń teńge aıyppul salyndy», dedi N.Mustaev.
Qazirgi tańda oblys boıynsha 62 ekpe pýnkti jumys isteıdi. Kúni búginge deıin 189 901 adam (52,7 paıyz) vaktsınanyń birinshi, 148 008-i (41,1 paıyz) ekinshi komponentimen egildi.
Eske sala keteıik, budan buryn Batys Qazaqstanda ekpe alýy tıis turǵyndardyń 52,4 paıyzy vaktsına alǵanyn jazǵan bolatynbyz.