BQO-da taǵy segiz adam koronavırýstan emdelip shyqty
ORAL. QazAqparat – Batys Qazaqstan oblysynda taǵy segiz adam koronavırýstan emdelip shyqty, dep habarlaıdy QazAqparat tilshisi.
Oblystyq juqpaly aýrýlar aýrýhanasynyń dırektory Nadııa Ahmetovanyń aıtýynsha, olardyń jeteýi – oblys turǵyndary.
Úsheýi Tasqala aýdanynan bolsa, ekeýi – Báıterekten, bireýi – Jánibekten, taǵy bireýi – Oral qalasynan.
Sondaı-aq taǵy bir adam – Túrkistan oblysynyń turǵyny.
«Eki ret alynǵan baqylaý synamalary emdelýshilerde koronavırýstyń joqtyǵyn kórsetti. Endi olar úılerinde karantınde bolady. Aýrýhanada jatqan qalǵan naýqastardyń jaǵdaıy jeńil jáne ortasha halde», dedi QazAqparat tilshisine N.Ahmetova.
Osylaısha BQO-da saýyqqandar sany 80-ge jetti.
Eske sala keteıik, budan buryn Batys Qazaqstanda jeti adamnyń jazylyp shyqqanyn, Teńiz ken ornynan kelgen taǵy bir adamnan koronavırýs anyqtalǵanyn jazǵan bolatynbyz.
