BQO-da taǵy eki balyqshy sýǵa ketti
ORAL. QazAqparat - Batys Qazaqstan oblysynda muz oıylyp, taǵy eki balyqshy sýǵa ketti, dep habarlaıdy «QazAqparat» tilshisi.
BQO TJ departamentinen túsken málimetke qaraǵanda, 19 jeltoqsan kúni aýdany ortalyǵy Shyńǵyrlaý aýylynan 25 shaqyrym jerdegi Jańakúsh sý qoımasynan 1955 jáne 1953 jylǵy eki adamnyń denesi tabylǵan. Olar «Aýdı-80» avtokóligimen balyq aýlaýǵa baryp, muz oıylyp, sýǵa ketken.
Osylaısha, on kúnniń ishinde muzdaǵy qaýipsizdikti saqtamaý saldarynan tórt adam kóz jumdy.
Eske sala keteıik, budan buryn 9 jeltoqsan kúni Zelenov aýdany Órken aýylynan 8 shaqyrym jerdegi Kóshim arnasynan 1949 jáne 1953 jylǵy eki adamnyń denesi shyǵarylǵan bolatyn.
