BQO-da taǵy da jel kúsheıip, burqasyn kóteriledi
ORAL. QazAqparat - «Qazgıdromet» RMK BQO fılıalynyń málimetine qaraǵanda, 5 aqpan kúni BQO-nyń keı jerlerinde qar jaýyp, burqasyn kóteriledi, ońtústik-shyǵystan soǵatyn jeldiń jyldamdyǵy sekýndyna 15-20 metrge deıin jetýi yqtımal, dep habarlaıdy «QazAqparat» HAA tilshisi.
Oral qalasynda da qar jaýyp, boran soǵýy múmkin, jeldiń jyldamdyǵy sekýndyna 18 metrge deıin jetedi.
Osyǵan baılanysty BQO TJ departamenti eskertý jarııalady. Turǵyndar arasynda tótenshe jaǵdaılarǵa jol bermeý, ómirlik mańyzy zor nysandar, elektr jáne baılanys júıeleriniń irkilissiz jumys jasaýy baǵytynda tıisti sharalar alynýda. TJ-ǵa qarsy turatyn kúsh-qural daıyndalyp, basshylyq quramnyń táýlik boıy kezekshiligi uıymdastyryldy.
Eske sala keteıik, budan buryn óńirde 2-3 aqpan kúnderi aýa raıynyń buzylatyny, ıaǵnı qar jaýyp, boran soǵatyny jóninde aldyn ala eskertý jarııalanǵan bolatyn.
