BQO-da taǵy da zańsyz kıik aýlaǵandar ustaldy
ORAL. QazAqparat - 5 qarasha kúni saǵat shamamen 03.00-de BQO jergilikti polıtsııa qyzmeti tabıǵat qorǵaý bólimi qyzmetkerleri «Ohotzooprom» ÓB» RMQK ınspektorlarymen birlesip júrgizgen reıd barysynda Bókeı ordasynda zańsyz kıik aýlaǵany úshin úsh adam ustaldy, dep habarlaıdy «QazAqparat» tilshisi.
BQO ІІD jergilikti polıtsııa qyzmetinen túsken málimetke qaraǵanda, oqıǵa ornynan múıizi kesilgen úsh kıiktiń ushasy, 12 dana múıiz jáne tirkelmegen ańshy myltyǵy tabylyp, tárkilengen.
Atalǵan derek boıynsha QR QK 337-babyna sáıkes (zańsyz ańshylyq) qylmystyq is qozǵalyp, jedel tergeý amaldary júrgizilýde.
Eske sala keteıik, budan buryn 27 qazan kúni saǵat 04.00-de Jańaqala aýdany Máshteksaı aýyly mańynda 1986 jylǵy N. men 1987 jylǵy S. degen azamattar «Nıva» avtokóligimen qolǵa túsken bolatyn. Olardan úsh kıik tekesiniń basy (múıizderimen), 16 kalıbrli qos uńǵyly ańshy myltyǵy, 26 dana oq-dári jáne pyshaq tárkilendi. Sondaı-aq 2 qarasha kúni saǵat shamamen 03.10-da Kóshim ózenindegi «Rýbej» baqylaý beketinde 1982 jylǵy M. degen azamat aıdap kele jatqan «Lada-Kalına» nyspyly avtokóliginiń salonynan jańadan kesilip, qapqa salynǵan 80 dana kıik múıizi tabylǵan edi.
Bul oqıǵalardyń úsheýi de túngi 03.00 pen 00.04 shamasynda oryn alyp otyr.
