BQO-da taǵy da kıik aýlaǵan brakonerler ustaldy

ASTANA. QazAqparat - Batys Qazaqstan oblysynda «Ohotzooprom» ınspektorlary zańsyz kıik aýlaǵan eki brakonerdi qolǵa túsirdi. Bul týraly QR AShM Orman sharýashylyǵy jáne janýarlar dúnıesi komıtetiniń baspasóz hatshysy Sáken Dildahmet Feısbýktegi paraqshasynda málim etti, dep habarlaıdy «QazAqparat» HAA tilshisi.

Sáken Dildahmettiń habarlaýynsha, Batys Qazaqstan oblysynyń Súıektijyra aýmaǵynda «Ohotzooprom» ınspektorlary «ıAmaha» markaly qarkeshýshi tehnıkamen ketip bara jatqan Oral qalasynyń eki turǵynyn ustaǵan.

 

«Olardy tekserý kezinde atylǵan eki kıiktiń tutas eti (bireýiniń múıizi kesilgen) pen 16 kalıbrli 60 patron tabylǵan. Brakonerler ustalǵan jerge Bókeı Orda ІІB-niń jedel-tergeý toby shaqyryldy», - dep habarlaıdy Sáken Dildahmet.

Atalǵan is boıynsha Bókeı Orda ІІB-men sotqa deıingi tergeý amaldary bastaldy. Bastapqy málimet boıynsha, brakonerler tabıǵatqa 2 269 000 teńge zalal keltirgen.