BQO-da taǵy bir joldy sý basty
ORAL. QazAqparat - Batys Qazaqstan oblysynda taǵy bir joldy sý basty, dep habarlaıdy QazAqparat tilshisi.
BQO TJD baspasóz qyzmetinen alynǵan málimetke qaraǵanda, keshe saǵat 16:35-te Qaratóbe aýdanynda aýdandyq mańyzy bar Qaratóbe-Qaraqamys jolynyń 3-shaqyrymynda qatty erigen qar sýy joldyń ústine shyǵyp ketken. Sýdyń eni 20 metr, tereńdigi 20-30 sm bolǵan.
Jergilikti atqarýshy organdarmen birlesken is-qımyl nátıjesinde 40 qyzmetker men 5 tehnıkanyń kómegimen ınertti materıaldary bar 1800 qap tóselgen.
Bul joldan basqa aınalma jol da bar, ol jaqyn eldi mekendermen qarym-qatynasty úzbeýge múmkindik beredi.
Qazirgi kezde atalǵan jolǵa kezekshilik qoıylǵan.
Eske sala keteıik, budan buryn 28 naýryz kúni Bókeı ordasy aýdany Bısen aýyldyq okrýgi aýmaǵynda oblystyq mańyzy bar joldyń ústine sý shyǵyp ketkenin jazǵan bolatynbyz.
