BQO-da taǵy bir jeńil avtokólik órtendi
ORAL. QazAqparat - Batys Qazaqstan oblysynda taǵy bir avtokólik órtendi, dep habarlaıdy «QazAqparat» tilshisi.
Keshe saǵat 15.00 shamasynda Oral-Atyraý jolynyń 204-shaqyrymynda, Aqjaıyq aýdany Taıpaq aýyly tusynda «Mercedes» kóligininen órt shyǵyp, oryndyqtarynyń biraz bóligi janyp ketken. Prıborlar paneli de zaqymdanǵan.
Aýdandyq TJ bóliminiń aǵa ınjeneri Armat Sabyrǵalıevtiń sózine qaraǵanda, abyroı bolǵanda, júrgizýshi men jolaýshy aman. Olardyń ekeýi de - BQO turǵyndary. Ot qozǵaltqyshtyń aqaýynan shyqty degen boljam bar.
Eske sala keteıik, budan buryn 8 aqpan kúni Aqsaı-Bórli avtojoly boıynda «Folksvagen Passat» kóligi otqa oranǵan bolatyn. Odan keıin 18 aqpan kúni Zelenov aýdany Vladımırovka eldi mekeni mańynda «Volvo» júk kóligi órtenip, júrgizýshisi kúıik jaraqatyn alǵan edi.
Osylaısha, ótken jyly BQO-da 117 avtokólik órtense, bıyl 10-ǵa jetip otyr.
Illıýstratsııalyq foto
