BQO-da taǵy bir turǵyn koronavırýstan emdelip shyqty
ORAL. QazAqparat – Batys Qazaqstan oblysynda taǵy bir turǵyn koronavırýstan emdelip shyqty, dep habarlaıdy QazAqparat tilshisi.
Oblystyq juqpaly aýrýlar aýrýhanasynyń dırektory Nadııa Ahmetovanyń aıtýynsha, Tasqala aýdanynyń turǵyny úıine jiberildi.
«Eki baqylaý synamasy onyń koronavırýstan jazylǵandyǵyn kórsetti. Jaǵdaıy qanaǵattanarlyq», dedi QazAqparat tilshisine N.Ahmetova.
Osylaısha Batys Qazaqstan oblysynda jazylyp shyqqandar sany 7-ge jetti. Qalǵan 109 adam oblystyq juqpaly aýrýlar aýrýhanasynda emdelýin jalǵastyrýda.
Eske sala keteıik, budan buryn Oralda tórt ózbekstandyq azamattyń jazylyp shyqqanyn, BQO-da koronavırýs juqtyrǵan 13 turǵynnyń barlyǵy Reseıden kelgenin jazǵan bolatynbyz.
