BQO-da taǵy bir snarıad tabyldy
ORAL. QazAqparat - 28 naýryz kúni saǵat 10.30 shamasynda Aqjaıyq aýdanynyń Jaıyq aýylynan 500 metr qashyqtyqta mal baǵyp júrgen jerden jartylaı shyǵyp jatqan snarıadty kórip, tıisti organdarǵa habar bergen, dep habarlaıdy «QazAqparat» tilshisi.
Aýdandyq TJ bóliminiń bas mamany Raýan Kóshkinbaevtyń sózine qaraǵanda, bul dıametri 7 sm, uzyndyǵy 32 sm Azamat soǵysy kezinen qalǵan artıllerııalyq snarıad bolyp shyqty. Sol boıda qaýipti jer qorshalyp, snarıadty joıý sharalary alyndy.
Eske sala keteıik, budan eki kún buryn Bókeı ordasy aýdany ortalyǵy Saıqyn aýylynyń turǵyny óz úıiniń qasynan Uly Otan soǵysynan qalǵan snarıad taýyp alǵan bolatyn.
