BQO-da taǵy bir ózende sý qaýipti deńgeıge jaqyndady
ORAL. QazAqparat - Batys Qazaqstan oblysynda taǵy bir ózende sý qaýipti deńgeıge jaqyndady, dep habarlaıdy QazAqparat tilshisi.
«Qazgıdromet» RMK BQO fılıalynyń málimetine qaraǵanda, Zelenov aýdanynda Bykovka ózenindegi sý kóterilip, búgin Chebotarev aýylyndaǵy gıdrobekette 786 santımetrge jetken. Qaýipti deńgeı - 810 sm.
Osyǵan baılanysty BQO TJ departamenti eskertý jarııalanyp, tıisti sharalar alynyp jatqanyn jetkizdi.
Zelenov aýdanynyń ákimi Ashat Shaharovtyń aıtýynsha, qazirgi ýaqytta arnaıy qyzmetter jumys jasap, jaǵdaı baqylanýda.
Eske sala keteıik, Zelenov aýdany ortalyǵy Peremetnyı aýyly tusyndaǵy dambany qatty erigen qar sýy 8 sáýir kúni buzyp ketken bolatyn. Odan keıin 10 sáýir kúni Tasqala aýdany ІІ Shejin aýylyndaǵy sýdyń deńgeıi qaýipti shekten asyp ketkenin jazǵan edik.
Tasqala aýdany ákimdiginen túsken málimetke qaraǵanda, ІІ Shejin aýylynda saıly jerlerge sý tolǵan bolatyn. Qazirgi ýaqytta sýdyń baǵyttary jyrylyp, sýdy sorǵyzý jumystary júrgizilýde. Sýdyń deńgeıi tómendegen. Mektepke deıin baratyn aınalma jol bar. Turǵyn úılerge qaýip tónip turǵan joq.
Illıýstratsııalyq foto
