BQO-da taǵy bir oqýshydan koronavırýs anyqtaldy
ORAL. QazAqparat – Batys Qazaqstan oblysynda taǵy bir oqýshydan koronavırýs anyqtaldy, dep habarlaıdy QazAqparat tilshisi.
BQO Taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmetinen málim etkenindeı, koronavırýs Oral qalasyndaǵy mektepterdiń birinde kezekshi topta bilim alatyn 2-synyp oqýshysynan anyqtaldy.
Epıdemıologııalyq tekserý barysynda oqýshynyń indetti úıden, atasynan juqtyrǵany belgili boldy. Naýqasta aýrý esh sımptomsyz ótýde.
Oqýshynyń 14 synyptasy men eki muǵalimnen synama alyndy. Test qorytyndysy olardyń bárinde de koronavırýstyń joqtyǵyn kórsetti.
Mektepte dezınfektsııalyq jumystar júrgizilip, kezekshi synyp karantınge jabyldy.
Eske sala keteıik, budan buryn BQO-da 4 oqýshynyń koronavırýs juqtyrǵanyn, keıin olardyń jazylyp shyqqanyn jazǵan bolatynbyz.
