BQO-da taǵy bir oqýshy ózine-ózi qol jumsady
ORAL. QazAqparat - BQO-nyń Aqjaıyq aýdanynda taǵy bir oqýshy ózine-ózi qol jumsady, dep habarlaıdy «QazAqparat» HAA tilshisi.
Bul joly Mergen aýylynda 11-synypta oqyǵan ul bala ózi turǵan úıdiń qora-jaıynda ómirin qıǵan. Aýyldaǵy ýchaskelik polıtsııa ınspektory Berik Qospaevtyń sózine qaraǵanda, jasóspirim ótken jyly patronattyq tárbıege alynǵan eken. Buryn odan eshqandaı oǵash qylyq baıqalmaǵan.
Eske sala keteıik, 3 qańtarǵa qaraǵan túni osy aýdan ortalyǵy Chapaev aýylynda 10-synyp oqýshysy (ol da er bala) óz úıiniń aýlasynda asylyp qalǵan bolatyn.
Statıstıkalyq derekter óńirde jasóspirimder sýıtsıdiniń kóbeıip kele jatqandyǵyn kórsetedi. Atap aıtqanda, 2014 jyly - 8, 2015 jyly - 11, 2016 jyly 13 jasóspirim óz ómirin qıǵan.
