BQO-da taǵy bir oqýshy asylyp qaldy
ORAL. QazAqparat – Batys Qazaqstan oblysynda 11-synyp oqýshysy asylyp qaldy, dep habarlaıdy QazAqparat tilshisi.
BQO bilim basqarmasynyń baspasóz qyzmetinen túsken málimetke qaraǵanda, oqıǵa 2 jeltoqsan kúni Jańaqala aýdany Aıdarhan aýylynda oryn aldy.
Aıdarhan jalpy orta bilim beretin mekteptiń 11-synybynda oqıtyn jasóspirim óz úıiniń aýlasynda ózine-ózi qol jumsap, dúnıeden ozdy.
«Oqýshy tolyq otbasynda tárbıelengen. Qazirgi kezde quzyrly organdar tarapynan anyqtaý jumystary júrgizilýde», dep habarlady basqarmanyń baspasóz qyzmeti.
Turǵyndardyń sózine qaraǵanda, marqum sońyna eshkimdi kinálamaý kerektigin aıtyp, hat qaldyrǵan. Bala keshe jerlendi.
Eske sala keteıik, budan buryn osy aýdannyń Jańaqazan aýylynda 11-synyp oqýshysynyń asylyp qalǵanyn jazǵan bolatynbyz.
