BQO-da taǵy bir brakoner kıik múıizimen ustaldy
ORAL. QazAqparat – Batys Qazaqstan oblysynyń Qaztalov aýdanynda brakoner 30 dana kıik múıizimen ustaldy. Bul týraly aýdandyq polıtsııa bóliminen málim etti, dep habarlaıdy QazAqparat tilshisi.
12 mamyr kúni aýdandyq polıtsııa bóliminiń bastyǵy Renat Degenbaevtyń qatysýymen júrgizilgen jedel izdestirý sharasy barysynda Qaztalov aýylyna qarasty dalalyq jerden kúdik týdyrǵan «Toyota Land Cruiser» avtokóligi toqtatylǵan.
Avtokólik júrgizýshisi oqıǵa ornynan boı tasalap úlgergen. Júrgizýshimen birge bolǵan azamat qolǵa túsip, onyń Qaztalov aýdanyna qarasty Jalpaqtal aýylynyń turǵyny ekeni anyqtaldy. Odan avtokólikpen qosa 30 dana kıik múıizi, bir ańshylyq qarý jáne oq-dáriler tárkilendi.
Oqıǵa ornynda ustalǵan kúdiktige qatysty QR QK 337-baby 4-bóligi 2-tarmaǵyna sáıkes qylmystyq is qozǵalyp, tergeý amaldary júrgizilýde.
Eske sala keteıik, budan buryn batysqazaqstandyq turǵynnyń 366 dana kıik múıizimen qolǵa túskenin jazǵan bolatynbyz.
