BQO-da taǵy bir avtokólik órtenip ketti
ORAL. QazAqparat - Batys Qazaqstan oblysynda taǵy bir avtokólik órtendi, dep habarlaıdy «QazAqparat» tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa keshe tańerteń Aqsaı-Bórli avtojoly boıynda oryn alǵan. Saǵat 08.51-de Bórli aýdany Qaraoba aýyly tusynda avtokóliktiń otqa oranǵany jóninde málimet túsken. «Folksvagen Passat» avtokóliginiń motor bóliginen ot shyqqan. «Tilsiz jaýdy» aýyzdyqtaýǵa 1 tehnıka, 4 adam jumyldyrylyp, saǵat 09.35-te tolyqtaı sóndirilgen. Zardap shekkender joq.
Eske sala keteıik, BQO-da ótken jyly 117, bıyl jeti avtokóliktiń órtengeni jóninde jazǵan bolatynbyz.
