BQO-da taǵy bes adam koronavırýstan emdelip, úılerine oraldy
ORAL. QazAqparat – Batys Qazaqstan oblysynda taǵy bes adam koronavırýstan emdelip, úılerine oraldy, dep habarlaıdy QazAqparat tilshisi.
Oblystyq juqpaly aýrýlar aýrýhanasynyń dırektory Nadııa Ahmetovanyń aıtýynsha, olardyń úsheýi – Tasqala aýdanynyń, ekeýi – Oral qalasynyń turǵyny.
«Baqylaý synamalary olardyń koronavırýstan jazylyp shyqqandyǵyn kórsetti. Jaǵdaılary qalypty. Aýrýhanada jatqan qalǵan naýqastardyń jaǵdaıy qanaǵattanarlyq, ortasha haldegiler de bar», - dedi QazAqparat tilshisine N.Ahmetova.
Osylaısha Batys Qazaqstanda emdelip shyqqandar sany 36-ǵa jetti.
Eske sala keteıik, budan buryn Batys Qazaqstan oblysynda birden 17 adamnyń jazylyp shyqqanyn jazǵan bolatynbyz.
