BQO-da sybaılas jemqorlyqqa barǵandar 19 mln teńge tóledi
ORAL. QazAqparat - Batys Qazaqstan oblysynda balamaly jaza retinde sottalǵandar 19 mln teńge tóledi, dep habarlaıdy «QazAqparat» tilshisi.
BQO sotynyń tóraǵasy Bek Ámetovtiń aıtýynsha, bas bostandyǵynan aıyrý - eń qatań jaza. Zańǵa sáıkes oǵan balama retinde aıyppul salý jazasy qoldanylady. Osyndaı shara sybaılas jemqorlyqqa barǵan 13 adamǵa qatysty qoldanyldy. Olarǵa salynǵan 19 mln teńge tolyq tólengen.
Sot tóraǵasynyń sózine qaraǵanda, ótken jyly BQO sottarynda 2014 qylmystyq is tirkelgen. Bul 2016 jylmen salystyrǵanda, 68-ge nemese 3,4 paıyzǵa kóp. Al aıaqtalmaǵan ister sany (70-ke) 75,3 paıyzǵa azaıǵan.
Azamattyq ister 5103-ke nemese 18 paıyzǵa (28047-den 33105-ge) kóbeıgen. Munyń 80 paıyzdaıy Oral qalasy №2 sotynyń úlesine tıedi, onda 2017 jyly 22641 azamattyq is tirkelgen.
Ákimshilik ister de 14980-nen 15023-ke nemese 43-ke (0,2 paıyzǵa) artyp otyr. Sonyń ishinde Oral qalasynyń ákimshilik sotynda 8159 is qaralǵan.
Aıta keteıik, ótken jyly óńirde 1,5 myńnan astam adam sottalsa, sonyń 101-i raqymshylyqqa sáıkes bosatyldy.
