BQO-da sybaılas jemqorlyq qylmys jasaǵan 13 adam sottaldy
Onyń aıtýynsha, bıylǵy bes aıda departament 87 qylmysty tirkese, sonyń 82-si nemese 94 paıyzy sybaılas jemqorlyqqa qatysty.
Sybaılas jemqorlyqtyń basym kópshiligi (60) nemese 73 paıyzy – paraqorlyq, sondaı-aq urlyq pen alaıaqtyq – 26 paıyz (21 derek).
Barlyǵy 100 sybaılas jemqorlyq qylmystyq is tergelip, sonyń 62-si sotqa joldandy. Aıaqtalǵan qylmystyq ister boıynsha keltirilgen zalaldyń jalpy mólsheri – 516,5 mln teńge, sonyń ishinde 512,2 mln teńgesi nemese 99,2 paıyzy óteldi.
Sybaılas jemqorlyq jasap, sottalǵan 13 adamnyń ekeýi bas bostandyǵynan aıyryldy. 1 adam bas bostandyǵynan shekteldi. 10 sottalýshyǵa aıyppul salyndy. Onyń jalpy somasy 21 mln teńgeden asty.
«Bıyl sybaılas jemqorlyq qylmystarynyń eń kóbi ishki ister organdary qyzmetkerleri arasynda tirkeldi. Polıtsııada bul qylmys túriniń tómendemeı kele jatqany eskerilip, birqatar uıymdastyrýshylyq jáne aldyn alý sharalary qabyldandy. Birqatar laýazymdy tulǵalar qyzmetinen bosatyldy», dedi Q.Qabylbekov.
Departament basshysynyń orynbasary sondaı-aq sybaılas jemqorlyq derekteri týraly belgili bolsa, adamdardyń sybaılas jemqorlyqqa qarsy qyzmettiń táýlik boıy jumys isteıtin 1424 Call-ortalyǵyna habarlasa alatyndyǵyn jetkizdi. QR Úkimetiniń «Sybaılas jemqorlyq faktileri týraly habarlaǵan tulǵalardy yntalandyrý týraly» qaýlysy aıasynda bıyl 5 adamǵa 928 myń teńge tólengen.
Eske sala keteıik, budan buryn BQO-da qandaı kompanııalardyń joldy sapasyz salatynyn jazǵan bolatynbyz.