BQO-da suıytylǵan munaı gazyn óndiretin zaýyt jumysy toqtap tur
ORAL. KAZINFORM – Batys Qazaqstan oblysynda suıytylǵan munaı gazynyń tapshylyǵy taǵy da baıqalyp otyr.
Júrgizýshiler áleýmettik jelide málim etkenindeı, avtogaz quıý úshin kezekke 3-4 saǵat turýǵa májbúr. Olar oblysta gaz óndirilse de, bul máseleniń sheshilmeı kele jatqanyna narazy.
Osyǵan oraı Kazinform tilshisi máseleniń anyq-qanyǵyn bilý úshin BQO energetıka, energetıka jáne turǵyn úı-kommýnaldyq sharýashylyq basqarmasyna arnaıy saýal joldaǵan edi.
Basqarma basshysy Beıimbet Mýsınniń málim etkenindeı, qyrkúıek aıyna «Jaıyqmunaı» JShS-nyń tasymaldaý jospary boıynsha 3 198 tonna suıytylǵan munaı gazy kólemi qarastyrylǵan.
- Osy kólemniń 80 paıyzy oblysqa 18 qyrkúıekke deıin jetkizildi. 18 qyrkúıekten bastap Rojkov keń ornynda jóndeý jumystary bastalýyna baılanysty zaýyt jumysy ýaqytsha toqtatyldy. Energetıka mınıstrligi 19 qyrkúıekte Atyraý munaı óńdeý zaýytynan qosymsha 1 myń tonna bóldi. Qazirgi ýaqytta óńirge sol kólemniń 234 tonnasy alyndy, - dedi B.Mýsın.
Eske sala keteıik, budan buryn Oralda júrgizýshiler suıytylǵan gaz tapshylyǵyna tap bolǵanyn jazǵan edik.
Oralda avtogaz birde bar, birde joq ekendigi jóninde júrgizýshi aıtty.