BQO-da sýretshige kómektesip júrgen volonter tokqa túsip, qaza boldy
ORAL. QazAqparat – Oralda 9 qabatty úıdiń shatyrynda tok soqqan jas jigit qaza tapty, dep habarlaıdy QazAqparat tilshisi.
BQO Polıtsııa departamentiniń baspasóz qyzmetinen málim etkendeı, oqıǵa 1 qyrkúıek kúni saǵat 23.10-da D.Qonaev shaǵynaýdanynda boldy.
Turǵyn úı shatyrynda 31 jastaǵy jigitti elektr togy soǵyp, sonyń saldarynan ol oqıǵa ornynda kóz jumdy.
Qazirgi kezde osy derek boıynsha Oral qalasynyń Polıtsııa basqarmasy tergeý amaldaryn júrgizýde.
Turǵyndardyń sózine qaraǵanda, Samat Shaıdollauly volonterlikpen aınalysqan, Uralsk Runners júgirý tobynyń múshesi bolǵan. Ol osy toǵyz qabatty úıdiń qabyrǵasyna sýret salyp jatqan sýretshige kómektesip júrgen.
Al BQO Jastar saıasaty máseleleri basqarmasynan alynǵan málimetke qaraǵanda, Volonter jylyna oraı arnaıy ashylǵan saıtta marqum erikti retinde resmı tirkelmegen.
