BQO-da sýmen qamtý nysandary qurylysyna 3 mlrd teńge qaralyp otyr
ORAL. QazAqparat - Batys Qazaqstan oblysynda 20 sýmen qamtý nysany qurylysyna 3 mlrd teńge qaralyp otyr. Bul týraly búgin óńirlik kommýnıkatsııalar qyzmeti alańynda BQO qurylys basqarmasynyń basshysy Arman Óksikbaev málim etti, dep habarlaıdy QazAqparat tilshisi.
Onyń aıtýynsha, sonyń ishinde 2,3 mlrd teńge respýblıkalyq, 0,7 mlrd teńge jergilikti bıýdjetten bólindi. Qurylys nysandary aıaqtalǵan kezde aýyldardy sýmen qamtý 44,7 paıyzǵa (197 eldi meken) jetedi.
«Bıyl Jańaqala aýylynda toptyq sý qubyry qurylysy jalǵasýda. Joba quny - 2,5 mlrd teńge. Ol 16 myń adam turatyn 7 aýyldy qamtıdy. Sonymen qatar Kırov-Shejin kanalyn qaıta qurý boıynsha (uzyndyǵy 180 shaqyrym) aýqymdy jumystar jalǵasyn tabýda. Osy jyly qaıta qurýdyń úshinshi kezeńi tolyqtaı aıaqtalmaq», dedi A.Óksikbaev. 
Aıta keteıik, ótken jyly 65 myńnan astam adam turatyn 55 aýylda 39 sýmen qamtý júıesin salý jáne qaıta jańǵyrtýǵa 9 mlrd teńge bólingen bolatyn. Sonyń ishinde 36 eldi mekende 29 sýmen qamtý nysany (47 myń adam) paıdalanýǵa berildi. Jyl sońynda aýyldardy sýmen qamtý 40,4 paıyzdy quraǵan edi.
