BQO-da sýǵa ketip qalǵan balanyń denesi izdestirilýde
ORAL. QazAqparat - Búgin saǵat 11.08-de Qaztalov aýdany Tereńkól aýyldyq okrýgine qarasty Mınaj qystaǵy mańynda mal baǵyp júrgen 2001 jylǵy balanyń Saryózenge ketip qalǵany jóninde málimet túsken, dep habarlaıdy «QazAqparat» tilshisi.
Balanyń janynda eshkim bolmaǵan, kıimi ózen jaǵasynda qalǵan.
«Oral qalasynan kelgen súńgýirler balanyń denesin izdestirýde. Áli tabylǵan joq», dedi «QazAqparat» tilshisine keshkisin aýdandyq TJ bóliminiń bastyǵy Abaı Násipov.
Eske sala keteıik, keshe saǵat 18.10 shamasynda Aqjaıyq aýdany ortalyǵy Chapaev aýyly tusynda Jaıyq ózenine 1999 jylǵy N. degen turǵyn batyp ketken bolatyn.
Bıyl osyǵan deıin oblysta tórt adam sýǵa ketse, sonyń úsheýi kámeletke tolmaǵandar bolyp otyr.
