BQO-da sýdy zańsyz paıdalanǵandarǵa 2,5 mln teńge aıyppul salyndy

«Qazsýshar» RMK Batys Qazaqstan fılıaly basshysynyń orynbasary mindetin atqarýshy Danııar Halınniń óńirlik kommýnıkatsııalar qyzmeti alańynda ótken brıfıngte málim etkenindeı, sonyń ishinde sý arnalary arqyly 10738,9 ga jerge 41,4 mln tekshe metr sý berýge 205, sondaı-aq turaqty sýarmaly jerdi (3798,9 ga) sýarýǵa 63, lımandy sýarmaly jer (6940 ga) úshin 130 kelisimshartqa qol qoıylǵan edi.

Danııar Hamzaulynyń sózine qaraǵanda, bıyl fılıal nysandarynan sýdy zańsyz paıdalanýdyń 14 deregi anyqtalsa, sonyń 9-y Aqjaıyq, bireýi Jánibek aýdany, tórteýi Oral qalasynyń úlesine tıedi. 

Sýdy zańsyz paıdalaný deregi boıynsha 2,5 mln teńge kóleminde aıyppul salyndy.

— «Qazsýshar» RMK Batys Qazaqstan fılıaly memleketaralyq mańyzy bar Qaraózen jáne Saryózen ózenderindegi sý sharýashylyǵy nysandaryn, Jánibek sýarmalaý-sýlandyrý júıelerin, oblysaralyq mańyzdaǵy Jaıyq-Kóshim sýarmalaý-sýlandyrý júıesi men Shaǵan, Sholaqańqaty, Embýlatov, Sulýsaı ózenderindegi sý qoımalaryn paıdalanady. Sondaı-aq fılıal quramyna 7 paıdalaný óndiristik ýchaskeleri kiredi: Kóshim, Kırov, Dóńgelek, Jańaqala, Saryózen, Jánibek, Shaǵan, — dedi D. Halın.

Onyń aıtýynsha, oblys aýmaǵynda kásiporyn teńgeriminde jalpy 110 gıdrotehnıkalyq qurylym bar. Kúni búgin Barbastaý ózeni boıyndaǵy 4 sý qoımasyn (Pokatılov, Uzynkól, Jańaómir, Kemer) kommýnaldyqtan respýblıkalyq menshikke tabystaý jumystary aıaqtaldy. Sý qoımalarymen qosa olardy qaıta qurý boıynsha 4 jobalyq-smetalyq qujattama da tabystaldy. Jobalardyń jalpy quny — 4,3 mlrd teńge.

Fılıal málimeti boıynsha qazirgi tańda Kaztalov aýdanynda jańadan salynatyn Jalpaqtal sý qoımasy qurylysynyń jobalyq-smetalyq qujattamasyna memlekettik saraptamanyń oń qorytyndysy alyndy. Joba quny — 8,2 mlrd teńge. Sý resýrstary jáne ırrıgatsııa mınıstrligimen joba qurylysyna merdigerdi anyqtaý úshin konkýrstyq rásimder júrgizilip jatyr. Seksenbaı sý qoımasy qurylysynyń tehnıkalyq-ekonomıkalyq negizdemesi daıyndaldy, alaıda oǵan memlekettik saraptamanyń teris qorytyndysy berildi (sý jınaý syıymdylyǵy — 8 mln tekshe metr). Tapsyrys berýshi — Sý sharýashylyǵy komıteti.

Eske sala keteıik, budan buryn Qazaqstanda sý únemdeý máselesin qalaı sheshýge bolatynyn jazǵan edik.