BQO-da sýbsıdııa berý kezinde memleketke 7 mln-daı teńge shyǵyn keltirilgen
ORAL. KAZINFORM — Batys Qazaqstan oblysynda Jánibek aýdany prokýratýrasy sýbsıdııa berý kezinde 7 mıllıonǵa jýyq teńge kóleminde bıýdjet qarajatyn teris paıdalaný derekterin anyqtady.
BQO prokýratýrasynyń baspasóz qyzmetinen málim etkenindeı, taldaý barysynda 2021-2024 jyldary 7 mln 182,505 myń teńgege sýbsıdııalanǵan 389 bas maldyń saqtalý merzimi qamtamasyz etilmeı, aýyr sharýashylyǵy janýarlaryn birdeılendirý jónindegi derekqordan shyǵarylǵany belgili boldy.
Mysaly, sharýa qojalyǵy 2021 jyly 7 qazanda 50 asyl tuqymdy iri qaraǵa 500 myń teńge kóleminde sýbsıdııa alyp, maldy bir jyldyń ishinde derekqordaǵy esepten shyǵarǵan.
Al Aýyl sharýashylyǵy mınıstriniń 2019 jylǵy 15 naýryzdaǵy buıryǵymen bekitilgen asyl tuqymdy mal sharýashylyǵyn damytýdy, mal sharýashylyǵynyń ónimdiligin jáne ónim sapasyn arttyrýdy sýbsıdııalaý qaǵıdalaryn bekitý týraly erejege sáıkes mal basynyń jyl boıy saqtalýyn (mal shyǵynynyń zootehnıkalyq normasyn qospaǵanda) qamtamasyz etý mindettelgen. ıAǵnı sýbsıdııalanǵan maldy bir jyldyń ishinde esepten shyǵarýǵa bolmaıdy.
— Sonyń saldarynan memleketke 7 mln teńgege jýyq materıaldyq shyǵyn keltirildi. Zańdy buzý derekteri boıynsha quzyretti organǵa tıisti qadaǵalaý aktisi engizildi, — dep habarlady vedomstvodan.
Eske sala keteıik, budan buryn BQO-da sýbsıdııa berý kezinde 12 mln-ǵa jýyq teńgeniń orynsyz paıdalanylǵanyn jazǵan bolatynbyz.