BQO-da sý tasqyny jaǵdaıyna aerovızýaldy barlaý júrgizildi
Batys Qazaqstan oblysy ákiminiń birinshi orynbasary E. Baltaev jáne Tótenshe jaǵdaılar departamentiniń bastyǵy E. Ótegenov «Qazgıdromet» jáne «Qazsýshar» RMK basshylarymen Oral qalasy, Báıterek jáne Tasqala aýdandaryndaǵy sý tasqyny jaǵdaıyna aerovızýaldy barlaý júrgizdi.
Áýeden barlaý barysynda Derkól, Shaǵan jáne Shejin-2 ózenderi men basseınderiniń jaı-kúıi zertteldi, ózender boıynda ornalasqan eldi mekenderdiń aınalasyna monıtorıng júrgizildi.
Batys Qazaqstan oblysy TJD baspasóz qyzmetiniń málimeti boıynsha, qazirgi ýaqytta Tasqala aýylyndaǵy Derkól ózeninde sý deńgeıi – 520 sm, Shejin-2 ózeniniń sý deńgeıi – 761 sm. Eldi mekenderge qaýip joq.
Sonymen qatar, búgingi kúni Oral qalasy, Aqjaıyq, Bórli, Tasqala, Terekti, Shyńǵyrlaý, Qaratóbe, Jańaqala, Kaztalov, Syrym jáne Báıterek aýdandarynda erigen qar sýy soryldy. Táýligine – 25 863 m3 (barlyǵy 103 839 m3).
Oral qalasy, Terekti jáne Syrym aýdandarynda qardy shyǵarý jumystary júrgizildi. Táýligine – 8 338 m3 qar (barlyǵy – 319 915 m3). 535 oıyq burǵylandy, 230 m2 muz kesildi, 690 qum salynǵan qap tóseldi, 2,8 km aryq, 128 sý ótkizgish qubyrlar tazartyldy.
