BQO-da sý tasqynynyń ekinshi kezeńi jalǵasyp jatyr

ASTANA. KazInform — Elimizdegi sý qoımalarynyń barlyǵy derlik toldy. Bul týraly Sý resýrstary jáne ırrıgatsııa mınıstrliginiń resmı ókili Móldir Ábdýalıeva aıtty.

«Qazsýshar» mekemesi Batys Qazaqstan oblysy fılıalynyń mamandary tasqyn sýyn qaýipsiz ótkizý is-sharalaryn atqaryp jatyr. Aımaqta sý tasqynynyń ekinshi kezeńi jalǵasýda. Oblystyń tórt iri sý qoımasy 90%-ǵa toldy. Oral qalasyndaǵy Jaıyq ózeniniń deńgeıi — 838 sm. Ol bir táýlikte 8 sm-ge tómendedi. Aqmola oblysynda Astana jáne Sileti sý qoımalary 100%-ǵa toly. Eki nysan da shtattyq kestege saı jumys isteıdi. Aımaqta sý tasqynynyń belsendi kezeńi ótti», - dedi ol Ortalyq kommýnıkatsııalar qyzmetindegi brıfıngte. 

Onyń dereginshe, Soltústik Qazaqstan oblysyndaǵy 2 iri sý qoımasy 100%-ǵa toly jáne tranzıttik rejımde jumys istep tur. Esil ózeninde sý tasqynynyń ekinshi kezeńi jalǵasýda. Sergeev sý qoımasynyń ernkýi arqyly sýdyń asyp ketý bıiktigi 175 sm-ge deıin tómendedi. Aqtóbe oblysynda eki iri sý qoımasynyń ortasha sý jınaý kórsetkishi- 97%. Eki nysan da shtattyq kestege saı jumys isteıdi. Munda sý tasqynynyń belsendi kezeńi ótti.

Shyǵys Qazaqstan oblysyndaǵy eki iri sý qoımasy boıynsha ortasha sý jınaý kórsetkishi 83%. Sý tasqyny jalǵasýda. Abaı oblysynda Shúlbi sý qoımasy 40%-ǵa toldy. Aımaqta sý tasqyny jalǵasýda. Qaraǵandy oblysynda 3 iri sý qoımasy 98,4%-ǵa toly. Olardyń barlyǵy shtattyq rejımde jumys isteıdi. Sý tasqynynyń belsendi kezeńi ótti.

«Qostanaı oblysyndaǵy eki iri sý qoımasynyń ortasha sý jınaý kórsetkishi 92%. Eki nysan da shtattyq kestege saı jumys isteıdi. Aımaqtaǵy sý tasqynynyń belsendi kezeńi ótti. Sý qoımalarynda «Qazsýshar» mamandarynyń táýlik boıy kezekshiligi jáne sý sharýashylyǵy jaǵdaıynyń monıtorıngi jalǵasýda», - dedi resmı ókil.