BQO-da sý tasqynynan zardap shekkenderge gýmanıtarlyq kómek kórsetilip jatyr
ORAL. KAZINFORM – Batys Qazaqstan oblysyndaǵy sý tasqynynan zardap shekken turǵyndarǵa kómek kórsetý maqsatynda «BQO Azamattyq Alıans» bastamasymen gýmanıtarlyq kómek jınaý shtaby ashyldy.
Búgingi tańda ashylǵan Gýmanıtarlyq kómek jınaý ortalyǵy Oral qalasy aqparattyq tehnologııalar kolledjinde Karımýllın kóshesi, 2/1A meken jaıy boıynsha jumys isteıdi.
Qazirgi tańda gýmanıtarlyq kómek tótenshe jaǵdaı jarııalanǵan Oral qalasy, Syrym, Kaztalov, Qaratóbe, Terekti, Bórli aýdandaryna jetkizildi. Kómek kórsetý shtaby tarapynan oblys boıynsha qurylǵan 27 evakopýnktterdiń qajetteligi esepteledi. Zardap shekken urǵyndarǵa ne qajet ekenin anyqtaý maqsatynda arnaıy ınstagram paraqshasy men CALL-tsentr ashyldy.
Qazirgi tańda el halqy tabıǵı apattan zardap shekken otandastaryna jan-jaqty qoldaý kórsetip, aýyzbirshilik tanytýda. Tipti baýyrlas qyrǵyz eliniń halqy da qıyn kezde kómek qolyn sozýǵa ázir ekenin kórsetti. Sý tasqynyna baılanysty qıyn jaǵdaıǵa tap bolǵan jerlesterimizge alǵashqy gýmanıtarlyq kómek kórsetýge baǵyttalǵan ıgi bastamany óńirimizge belgili kásipkerler, iri kompanııalar, qala turǵyndary qoldaýda. Sonymen qatar partııa músheleri, oblystyq maslıhat depýtattary, etno-mádenı birlestik, qoǵamdyq uıymdar, jastar resýrstyq ortalyqtarynyń ókilderi atsalysyp jatyr.
Tilsiz jaýdan japa shekkenderge kómek kórsetý isine óńirimizderdegi «Sun City», «Petro-Unit» sııaqty iri kompanııalar, «Salut Orto KZ», «InvestProdjekt» JShS-teri, «Oral sút zaýyty», «Sýleımenova» JK, «SBS Grup», «Otdel stroı» kompanııasy, «ART STROY SERVİS 07», «Salut Orto KZ» JShSlar, «Elıon» tis emhanasy, «JelaevNAN», «Faberlic» kompanııasy men jergilikti kásipkerler de shet qalyp jatqan joq.
«Biz BIRGEMIZ» qaıyrymdylyq qory qaıyq, matras, motopompa jáne azyq-túlik kómegin jiberdi. «ASAR UME» qaıyrymdylyq qorynyń kúshimen Qaratóbe, Bórli, Kaztalov, Syrym aýdandaryna motorly qaıyq, rezeńke etik, motopompa alyndy. Sondaı-aq aýdandardaǵy kásipkerler, oblys volonterleri, sportshylar, taksı jáne gazel júrgizýshileri kómektesýde.
Qaratóbe aýdany kásipkerleri, Batys Qazaqstan oblysynyń volonterleri, sportshylary, men gazel júrgizýshileri, oblystyq «AMANAT» partııasyn, Qazaqstan halqy Assambleıasy ókilderi, «Qazaq analary – Dástúrge jol» QB fılıaly, «Tarıhı shejire» respýblıkalyq uıymy jáne t.b.
Jalpy, sý tasqyny bastalǵan sátten bastap zardap shekken halyqqa 256 tonna gýmanıtarlyq kómek kórsetildi, onyń ishinde 230 tonna azyq-túlik, 22 tonna azyq-túlik emes taýarlar jáne 4 tonna dári-dármek.
Kesheden bastap Almaty qalasy Jastar saıasaty basqarmasy jibergen 10 tonna gýmanıtarlyq kómek «AirAstana» áýe kompanııasynyń bortymen óńirge jetkizilýde.
Astana, Almaty, Shymkent qalalary men Mańǵystaý oblysynan jáne baýyrlas qyrǵyz eli jıǵan kómek jolda kele jatyr.
Tótenshe jaǵdaı departamenti men Qoǵamdyq damý basqarmasy halyqty resmı aqparatpen qamtý maqsatynda arnaıy aqparattyq shtab qurdy. Sońǵy ári shynaıy aqparat jarııalanatyn «BatysToday» telegram arnasy ashyldy.
Sý tasqynynan zardap shekkenderge gýmanıtarlyq kómek kórsetý jáne túrli qorlarǵa túsken qarjyny bólý jónindegi komıssııa quryldy. Komıssııa quramyna Qoǵamdyq keńesterdiń ókilderi, oblystyq máslıhat depýtattary, saıası partııalardyń kóshbasshylary, úkimettik emes uıymdardyń, etnomádenı ortalyqtardyń, ýákiletti memlekettik organdardyń jáne t.b. ókilderi engizildi. Keshe komıssııanyn birinshi otyrysy ótti.
Qazirgi tańda sý tasqynynan zardap shekkenderge 2 500-den astam volonter belsendi kómek kórsetip jatyr.
A. Tapıshev
Batys Qazaqstan oblysynyń Azamattyq Alıansynyń prezıdenti
