BQO-da sý tasqynynan zardap shekken aýmaqtan 185 bala respýblıkalyq lagerlerde demalady
ORAL. KAZINFORM — Batys Qazaqstan oblysynda sý tasqynynan zardap shekken aýmaqtan 185 bala respýblıkalyq lagerlerde demalatyn bolsa, sonyń 83-i búgin jolǵa shyqty.
BQO bilim basqarmasynyń bólim basshysy Hajarbıbi Iskandarovanyń aıtýynsha, 70 bala 10-24 sáýir aralyǵynda Almaty oblysyndaǵy «Taý Janashar» lagerinde, 13-i Almaty qalasyndaǵy «Bóbek» saýyqtyrý ortalyǵynda 21 kún boıy tynyǵady.
«Budan bólek, 102 bala 17-26 sáýirde Qyzylorda oblysyndaǵy «Qambash» saýyqtyrý ortalyǵynda 10 kún demalady. 185 balanyń 10-y Bórli, 48-i Qaratóbe, 32-si Syrym, 60-y Terekti aýdanynan jáne 35-i Oral qalasynan», dedi H.Iskandarova.
Eske sala keteıik, budan buryn Oralda Jaıyq jaǵasyndaǵy bógetterdi bıiktetý jumystary júrgizilip jatyrǵanyn jazǵan bolatynbyz.
Sondaı-aq Nurlan Baıbazarov Jaıyq ózenindegi sýdyń kóterilýi 94 eldi mekenge qaýip tóndiretinin aıtty.
