BQO-da sý tasqynyna baılanysty jalǵan aqparat taratqan turǵynǵa aıyppul salyndy

ORAL. KAZINFORM – Batys Qazaqstan oblysyndaǵy Báıterek aýdanynyń №2 aýdandyq sotynda R. degen azamatqa qatysty QR Ákimshilik quqyq buzýshylyq týraly kodeksiniń 456-2-babynyń 3-bóligi boıynsha ákimshilik quqyq buzýshylyq týraly is qaraldy. 

BQO sotynyń baspasóz qyzmetinen túsken málimetke qaraǵanda, bıylǵy 4 sáýirde WhatsApp áleýmettik jelisine monıtorıngi jasaý barysynda aýdıojazbanyń taralǵany anyqtaldy.

«Onda atalǵan azamat BQO TJ departamentine qońyraý shalyp, 5 sáýirde Jelaev, Baıqonys, Komıntern, Mıchýrın, Rybtseh, Qazaq aýyl kentterinde sý tasqyny kútiletini týraly eskertkenin aıtqan. Sondaı-aq aýdıojazbada Jaıyq ózeni 10 metrge deıin kóterilip, qaýipti sheginen 1,5 metrge asyp ketetini jáne atalǵan kentterdiń turǵyndaryn evakýatsııalaý júrgiziletini habarlandy. Osylaısha, er adam QR Ákimshilik quqyq buzýshylyq týraly kodeksiniń 456-2-babynyń 3-bóliginde kózdelgen ákimshilik quqyq buzýshylyqqa jol berdi. ıAǵnı, qoǵamdyq tártipti, azamattardyń quqyqtary men zańdy múddelerin buzýǵa jaǵdaı jasaıtyn ınternet-keńistikterde jalǵan aqparat taratýǵa jol berdi. Sot qaýlysymen er adam kináli dep tanylyp, oǵan 73 840 teńge mólsherinde aıyppul túrinde ákimshilik jaza qoldanyldy. Qaýly zańdy kúshine engen joq», - dep habarlady vedomstvodan. 

Eske sala keteıik, budan buryn Jaıyq ózeni Oral qalasy tusynda 10 metrge kóteriledi degen aqparattyń jalǵan ekenin jazǵan bolatynbyz.