BQO-da sý shaıyp ketýine baılanysty taǵy bir respýblıkalyq jol jabyldy
«QazAvtoJol» AQ BQO fılıalynyń málimeti boıynsha 13 naýryz kúni respýblıkalyq mańyzy bar Samara-Shymkent avtojolynda Aqtóbe oblysy aýmaǵynda erigen qar sýy trassanyń ústine shyǵyp ketken.
Soǵan baılanysty jergilikti saǵat 21.30-dan bastap atalmysh jol (393-526 km, Syrym aýdany ortalyǵy Jympıty aýylynan – Aqtóbe oblysynyń shekarasyna deıin) barlyq kólik túrleri úshin jabyldy.
Sonymen qatar Terekti aýdany Barbastaý aýylynan Aqtóbe oblysyna deıingi aralyqta (274-526 km) júk jáne qoǵamdyq kólikterdiń qozǵalysy shekteldi.
Osyǵan oraı BQO TJ departamenti eskertý jarııalanǵanyn jetkizdi.
Eske sala keteıik, budan buryn Batys Qazaqstan oblysyndaǵy Bórli aýdanynda tótenshe jaǵdaı jarııalanǵanyn jazǵan bolatynbyz.
Sondaı-aq Oral qalasynda tótenshe jaǵdaı jarııalandy.
BQO-nyń taǵy bir aýdanynda tótenshe jaǵdaı jarııalandy.
Batys Qazaqstanda aýylǵa sý kirip, 44 adam evakýatsııalandy.
BQO-da respýblıkalyq joldy sý shaıyp ketti.