BQO-da sý kirgen 25 úıdiń adamdary basqa jaqqa kóshirildi

ORAL. QazAqparat – Qaratóbe aýdany Qoskól aýyldyq okrýgi Shalǵyn eldi mekeninde turǵyn úılerge sý kirdi, dep habarlaıdy QazAqparat tilshisi.

BQO TJ departamentiniń baspasóz qyzmeti málim etkenindeı, oqıǵa 31 naýryz kúni keshkisin boldy.

Aýylǵa sý kirip jatqany jóninde habar kelgennen keıin keshe shamamen saǵat 22.00-de Oraldan Qaratóbe aýdanyna TJ tehnıkalary jolǵa shyqty.

«Qazirgi ýaqytta TJ departamenti jáne oblys basshylyǵy tikushaqpen jaǵdaıdy baǵalaý maqsatynda sý tasqyny qaýipti aýmaqtarǵa shyqty. Shalǵyn aýylynda sý kirgen 25 úıdiń adamdary mádenıet úıine kóshirildi. Turǵyndardy kóshirý máselesi qarastyrylýda. Shalǵyn aýyly qatań baqylaýda», dep habarlady vedomtvodan.

Aýyl turǵyndarynyń sózine qaraǵanda, barlyǵy 26 úı sýǵa ketken. Birneshe úı opyrylyp, ortasyna tústi. Bul mekenderde turýdyń múmkindigi joq. Sý qaıtqanmen, seń áli turǵan kórinedi.

Qazirgi kezde oqıǵanyń jaı-japsary anyqtalý ústinde.

Aýdan ákimdiginiń málimetine qaraǵanda, atalmysh eldi mekende 45 aýla bolsa, 196 turǵyn bar.

Eske sala keteıik, budan buryn Batys Qazaqstanda aýyl mektebine sý kirgenin, tasqyn sýdyń ótkeldi shaıyp ketkenin jazǵan bolatynbyz.