BQO-da sý basyp qalǵan eldi mekenderden 2600-den astam adam kóshirildi
ASTANA. 13 sáýir. QazAqparat - Batys Qazaqstan oblysynda sý basyp qalǵan eldi mekenderden 2600-den astam adam kóshirildi. Qutqarý jumystaryna QR Tótenshe jaǵdaılar mınıstri Vladımır Bojko tikeleı basshylyq etýde.
Tótenshe jaǵdaıdyń saldaryn joıý jumystaryna barlyǵy 2000 adam, arnaıylandyrylǵan 300 tehnıka, 78 júzý quraly, jeke quramdy jetkizýge arnalǵan QR TJM-nyń 2 ushaǵy jáne «Eýro-Azııa-Eır» tikushaǵy jumyldyryldy. Qutqarýshylar táýlik boıy jumys isteýde.
TJM bólimsheleriniń qyzmetkerleri qalǵan azamattardy anyqtap, olardy qaýipsiz jerge shyǵarý úshin sý basqan saıajaılar men eldi mekenderdi aralaýda. Sý shaıyp ketken avtojoldardy qaıta qalpyna keltirý jumystaryna ázirlik bastaldy. Ózenderdiń qaýipti ýchaskelerinde jáne bógenderde sý deńgeıin qadaǵalaıtyn kezekshiler qoıyldy. QR TJM-nyń qutqarýshylary turǵyn úılerden sýdy aǵyzý, aryqtardy tazalaý jáne bógenderdi bekitý jumystaryn júrgizýde. Ózenderde seńderdi jarý sharalary júzege asyrylýda.
BQO-da turǵyn úılerge sý kele bastaǵan ýaqyttan beri, áleýmettik mańyzy joǵary «Jas Dáýren» balalar úıi, kardıologııalyq ortalyq, «Ivýshka» shıpajaıy men basqa da nysandardaǵy adamdardy qosa eseptegende 2600-den astam halyq qaýipsiz jerge kóshirildi.
