BQO-da sot talabyn oryndamaǵan aýdan ákiminen qarjy óndirildi

ORAL. KAZINFORM - Batys Qazaqstan oblysynda sot talaptaryn oryndamaǵan Aqjaıyq aýdany ákimi men aýdandyq kásipkerlik jáne aýyl sharýashylyǵy bóliminiń basshysyna aqshalaı óndirip alý salyndy.

BQO sotynyń baspasóz qyzmetinen málim etkenindeı, Aqjaıyq aýdanynyń turǵyny tótenshe jaǵdaı kezinde bıylǵy sý tasqyny saldarynan 16 bas jylqysynan aıyrylǵan.

Keıin sol shyǵynǵa ushyraǵan malynyń materıaldyq shyǵynyn óteý jóninde kómek surap, ótinishhatpen Aqjaıyq aýdany ákimine, aýdandyq kásipkerlik jáne aýyl sharýashylyǵy bólimine jáne oblys ákimdigine jolyqqan. Biraq olardyń jaýaptarymen kelispeı, BQO mamandandyrylǵan aýdanaralyq ákimshilik sotyna júgingen.

Іs boıynsha daıyndyq júrgizý maqsatynda sot jaýapkerlerdi belgilengen merzimde ákimshilik talap qoıýǵa dáleldi qarsy pikirlerin berýge mindettedi. Alaıda jaýapkerler talap qoıýǵa dáleldi pikirlerin jáne sottyń suratqan ákimshilik is qujattaryn belgilengen merzimge joldamaǵan. 

- Sonyń saldarynan is boıynsha aldyn ala tyńdaý keıinge qaldyrylǵan. Sot is qujattaryn zerttep qarap, jaýapkerlerdiń keltirgen ýájderin negizsiz jáne dálelsiz dep tapty. Olardyń is-árekettterinde zańǵa jáne sotqa ashyq qurmettemeýshilik kórsetý oqıǵasy oryn alǵan dep tanydy. Mundaı jaǵdaıda sot talaptaryn oryndamaýǵa baılanysty Aqjaıyq aýdany ákimine, aýdandyq kásipkerlik jáne aýyl sharýashylyǵy bólimi basshysyna árqaısysyna 20 AEK kóleminde 73 840 teńgeden aqshalaı óndirip alý qoldanyldy, - dep habarlady vedomstvodan.

Eske sala keteıik, budan buryn Oralda sot sheshimin elemegen salyq organynyń basshysy shyǵynǵa qalǵanyn jazǵan bolatynbyz.