BQO-da sot arqyly jumysyna qaıta ornalasqan qutqarýshy 2,3 mln teńge óndirdi
ORAL. KAZINFORM — Oral qalasynyń №2 soty qutqarýshynyń jumystan zańsyz bosatý týraly talap qoıýyn qanaǵattandyrdy.
BQO sotynyń baspasóz qyzmetinen málim etkenindeı, is materıaldaryna sáıkes mekeme qyzmetkerdi jumys ornynda úsh saǵattan astam ýaqyt bolmaǵany úshin qyzmetinen bosatqan.
Alaıda jumys berýshi tártiptik jaza qoldanar aldynda qyzmetkerden jazbasha túsinikteme talap etý jónindegi zańdy mindetin oryndamaǵan.
Sot jumys berýshiniń bul áreketi eńbek zańnamasynyń talaptaryna qaıshy keledi degen qorytyndyǵa kelip, jumystan bosatý týraly buıryqty zańsyz dep tanydy.
- Nátıjesinde qyzmetker burynǵy laýazymyna qaıta ornalastyrylyp, onyń paıdasyna bos júrgen ýaqyty úshin 2 mln 315,515 myń teńge ortasha jalaqy jáne ókildiń kómegine aqy tóleý shyǵystary retinde 350 myń teńge óndirildi. Sheshim zańdy kúshine engen joq, - dep habarlady vedomstvodan.
Eske sala keteıik, budan buryn Oralda óz kompanııasynan 2,2 mln AQSh dollaryn jymqyrǵan kásipkerdiń sottalǵanyn jazǵan edik.
Sondaı-aq Oralda jábirlenýshilerge 158 mln teńge zalal keltirgen alaıaq áıel sottaldy.
