BQO-da sońǵy tórt táýlikte 310 adamnyń koronavırýs juqtyrǵany anyqtaldy

ORAL. QazAqparat – Batys Qazaqstan oblysynda sońǵy tórt táýlikte 310 adamnan koronavırýs anyqtaldy, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamenti málim etkenindeı, sonyń 194-inde aýrý belgisi bolsa, 116-sy – sımptomy joqtar.

Aýyrǵandardyń 156-sy JRVI belgileri boıynsha qaralsa, 84-i buryn koronavırýs juqtyrǵandarmen baılanysta bolǵan. 68-i profılaktıkalyq, ekeýi epıdemıologııalyq qadaǵalaý maqsatynda tekserilgen.

Syrqattanǵandardyń119-y Oral qalasynda, 39-y Báıterek, 34-i Bórli aýdanynda anyqtaldy.

Sońǵy táýlikte 122 adamnyń koronavırýs juqtyrǵany belgili bolsa, 134 naýqas jazylyp shyqty.

Pandemııa bastalǵannan beri oblysta 36 441 naýqas tirkelip, sonyń 28 632-si jazylyp shyqty. 717 adam indetten kóz jumdy.

Departament málimeti boıynsha barlyq aýyrǵandardyń 18 363-i Oral qalasy, 4 809-y Báıterek, 4 447-si Bórli, 1 661-i Terekti, 1 319-y Aqjaıyq, 1 067-si Kaztalov, 1 065-i Shyńǵyrlaý aýdanynyń úlesine tıedi.

Eske sala keteıik, budan buryn Batys Qazaqstanda sońǵy aptada koronavırýstan 18 adamnyń kóz jumǵanyn jazǵan bolatynbyz. Sondaı-aq BQO-da tumaýǵa qarsy 68 myń doza vaktsına satyp alyndy.