BQO-da sońǵy tórt táýlikte 260 adam koronavırýs juqtyrǵan
BQO sanıtarlyq-epıdemıologııalyq baqylaý departamentiniń baspasóz qyzmetinen túsken málimetke qaraǵanda, 19 qyrkúıekte 67, 20-synda 39, 21-inde 55, 22-sinde 99 naýqas anyqtaldy.
Sonyń 173-inde aýrý belgileri bolsa, 87-si - sımptomy joqtar.
Aýyrǵandardyń 147'-si JRVI belgileri boıynsha, 73-i profılaktıkalyq maqsatta tekserilgen. 40-y buryn syrqattanǵandarmen qarym-qatynasta bolǵan.
Koronavırýs juqtyrǵandardyń 121-i Oral qalasy, 38-i Báıterek, 30-y Bórli aýdanynyń úlesine tıedi.
Onyń aldyndaǵy tórt kúnde óńirde 352 adamnan indet tabylǵan bolatyn.
Departament málimetine qaraǵanda, pandemııa bastalǵannan beri 36 986 naýqastyń 29 232-si jazylyp shyqty. 745 adam indetten qaıtys boldy.
Barlyq naýqastardyń 18 600-i Oralda, 4877-si Báıterek, 4510-y Bórli, 1684-i Terekti aýdanynda tirkelgen.
Eske sala keteıik, budan buryn Batys Qazaqstanda egilýge tıisti turǵyndardyń 60 paıyzdan astamy vaktsına alǵanyn, sońǵy aptada koronavırýs juqtyrý kórsetkishi 7,3 paıyzǵa tómendegenin jazǵan bolatynbyz.