BQO-da sońǵy tórt kúnde 350-den astam adamnan koronavırýs anyqtaldy

ORAL. QazAqparat – Batys Qazaqstan oblysynda sońǵy tórt kúnde 352 adamnan koronavırýs tabyldy, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamenti málim etkenindeı, osynyń basym kópshiligi nemese 208-i JRVI belgilerimen tekserilgen kezde anyqtaldy.

Sondaı-aq 107-si profılaktıkalyq maqsatta qaralǵan. 35-i buryn aýyrǵandarmen baılanysta bolsa, ekeýinen epıdemıologııalyq qadaǵalaý boıynsha synama alynǵan.

Syrqattanǵandardyń 149-y Oral qalasynda, 43-i Bórli, 40-y Báıterek, 33-i Shyńǵyrlaý aýdanynda tirkelgen.

Departament málimetine qaraǵanda, pandemııa bastalǵannan beri KVI juqtyrǵan 36 793 naýqastyń 28 821-i jazylyp shyqty. 732-si kóz jumdy.

Barlyq aýyrǵandardyń 18 512-si Oral qalasy, 4849-y Báıterek, 4490-y Bórli, 1676-sy Terekti, 1329-y Aqjaıyq, 1098-i Shyńǵyrlaý, 1081-i Kaztalov, 1015-i Tasqala aýdanynyń úlesine tıedi.

Eske sala keteıik, budan buryn Batys Qazaqstan oblysynda koronavırýs juqtyrǵan 40 naýqastyń jansaqtaý bóliminde jatqanyn jazǵan bolatynbyz.