BQO-da sońǵy tórt kúnde 248 adamnan koronavırýs anyqtaldy
ORAL. QazAqparat – Batys Qazaqstan oblysynda osy kezge deıin 12577 adam indet juqtyrsa, sonyń 10099-y jazylyp shyqty, dep habarlaıdy QazAqparat tilshisi.
BQO sanıtarlyq-epıdemıologııalyq baqylaý departamentiniń baspasóz qyzmeti málim etkenindeı, sońǵy tórt kúnde (18-21 aqpan) oblysta 248 adamnan koronavırýs tabyldy.
Sonyń ishinde JRVI belgilerimen tekserilgen 113, buryn aýyrǵandarmen qarym-qatynasta bolǵan 93, profılaktıkalyq maqsatta qaralǵan 30, statsıonarǵa jatqyzar aldynda synama alynǵan 12 adamnan indet anyqtaldy.
Sońǵy tórt kúnde syrqattanǵandardyń 139-y Oral qalasynyń úlesine tıedi. Sondaı-aq Shyńǵyrlaý aýdanynda 29, Báıterekte 28, Terektide 18, Bórlide 17 adamnan koronavırýs shyqty.
Іndet bastalǵannan beri oblys ortalyǵynda 7082, Bórli aýdanynda 1346, Báıterekte 1324, Aqjaıyqta 516, Terektide 502 adamnyń aýyrǵany tirkeldi.
Óńir «sary» aımaqta turǵanymen, epıdemıologııalyq ahýal áli de turaqsyz bolyp otyr.
Eske sala keteıik, budan buryn Batys Qazaqstanda 277 dárigerdiń jetispeıtinin jazǵan bolatynbyz.
