BQO-da sońǵy tórt kúnde 230 adamnan koronavırýs anyqtaldy
BQO sanıtarlyq-epıdemıologııalyq baqylaý departamentiniń baspasóz qyzmeti málim etkenindeı, sonyń 164-inde aýrý belgileri bolsa, 66-sy – sımptomy joqtar.
Aýyrǵandardyń 141-i JRVI belgilerimen qaralsa, 52-si buryn indet juqtyrǵan otbasy múshelerimen qarym-qatynasta bolǵan. 35-i profılaktıkalyq maqsatta, ekeýi statsıonarǵa jatqyzar aldynda tekserilgen.
Naýqastardyń 92-si Oral qalasynda, 49-y Báıterek, 28-i Bórli, 21-i Shyńǵyrlaý aýdanynda tirkelgen. Kerisinshe sońǵy tórt táýlikte Bókeı ordasy men Jańaqala aýdandarynda bir ǵana naýqastan kovıd tabylǵan.
Departament málimetine qaraǵanda, pandemııa bastalǵannan beri 38 040 adamnyń 30 482-si jazylyp shyqty. 785-i ómirden ozdy.
Sonyń 19 055-i Oral qalasy, 5092-si Báıterek, 4627-si Bórli, 1733-i Terekti, 1391-i Aqjaıyq, 1163-i Shyńǵyrlaý, 1099-y Kaztalov, 1055-i Tasqala aýdanynyń úlesine tıedi.
Eske sala keteıik, budan buryn BQO-da koronavırýs 41-60 jas aralyǵyndaǵy azamattarda kóbirek tirkelip otyrǵanyn jazǵan bolatynbyz.