BQO-da sońǵy eki aptada 264 urlyq, 35 alaıaqtyq tirkeldi
BQO prokýratýrasynyń baspasóz qyzmetinen túsken málimetke qaraǵanda, sondaı-aq 30 shilde men 12 tamyz aralyǵynda 3 jol-kólik oqıǵasy tirkelip, úsh adam qaza taýyp, taǵy úsheýi jaraqat aldy. 2 jasóspirim, 3 eresek adam sýǵa ketti.
Taldaý kórsetkenindeı, kóbine velosıpedter (12 derek) qaraýsyz qalatyndyqtan jáne arnaıy qulyppen bekitilmeıtindikten, qoldy bolady. Uıaly telefondar (40) bazarlarda, aıaldama, avtobýstarda, adamdar kóp bas qosatyn jerlerde jıi urlanady. Aýdandarda mal baǵýsyz júretindikten, 15 iri qara urlyǵy tirkelgen. Terezelerde tor ornatylmaǵandyqtan, urylar 11 ret páterlerge kirgen. Belgi ornatylmaǵan, kúzetilmeıtin turaqtarǵa qoıylǵan avtokólikterden buıymdar urlanǵan (29).
Alaıaqtyq memlekettik baǵdarlama arqyly úı alyp beremin deý (3), qymbat uıaly telefondardy jarty baǵasyna alyp beremin dep ýáde berý (6) sekildi joldarmen jasalady.
Jol qozǵalysy erejesin saqtamaý jol apattaryna uryndyryp jatady. Eger qos kólikte artqy oryndyqta otyrǵan jolaýshylar beldikti paıdalanǵanda, ekeýi tiri qalyp, úsheýi jaraqat almas edi. Óıtkeni beldik taǵyp otyrǵan júrgizýshiler aman qaldy.
Qos birdeı jasóspirim ózende eresekterdiń qaraýynsyz shomylǵan jáne ekeýi de júzý bilmegendikten, sýǵa ketken.