BQO-da sońǵy aptada koronavırýs juqtyrǵandar sany 9,2 paıyzǵa tómendedi

ORAL. QazAqparat – Batys Qazaqstan oblysynda sońǵy aptada aldyńǵymen salystyrǵanda, koronavırýs juqtyrǵandar sany 9,2 paıyzǵa tómendedi, dep habarlaıdy QazAqparat tilshisi.

BQO densaýlyq saqtaý basqarmasynyń baspasóz qyzmeti málim etkendeı, ótken táýlikte 35 adamnan indet tabylsa, 25 naýqas jazylyp shyqty.

Kúni búgin 791 adam úılerinde ambýlatorlyq em alýda.

Sondaı-aq 252 naýqas oblys statsıonarlarynda em qabyldap jatyr.

Sonyń 155-i modýldik statsıonarda, 52-si oblystyq juqpaly aýrýlar aýrýhanasynda. 25-i aýyr halde bolǵanymen, ınvazıvti jasandy tynys alý apparatyna qosylǵandar joq.

Basqarma málimetine qaraǵanda, jyl basynan beri 2866 bala syrqattansa, sonyń 2785-i emdelip shyqty. 81-i saýyǵý ústinde.

Pandemııa bastalǵannan beri 38 677 adam koronavırýs juqtyrdy. Bıyl 29 456 naýqas anyqtalsa, sonyń 20 332-si – aýrý belgisi barlar.

Oblys boıynsha barlyǵy 233 759 adam vaktsınanyń birinshi komponentimen egildi, bul – egilýge tıisti turǵyndardyń 56,4 paıyzy.

Sonyń ishinde 211 835-i ekinshi komponentti saldyrdy.

Eske sala keteıik, budan buryn Batys Qazaqstanda bir aptada jedel járdemge 6 myńǵa jýyq qońyraý shalynǵanyn jazǵan bolatynbyz.