BQO-da sońǵy aptada 45 adam koronavırýstan kóz jumdy
BQO densaýlyq saqtaý basqarmasy málim etkenindeı, óńirde indet bastalǵannan beri barlyǵy 596 naýqas koronavırýstan qaıtys boldy.
Oblysta osy kezge deıin 32514 adam koronavırýs juqtyrsa, sonyń 24814-i jazylyp shyqty.
Sońǵy táýlikte 156 naýqas tirkeldi.
Aldyńǵy aptamen salystyrǵanda, aýyrǵandar sany 10,7 paıyzǵa (118-ge) azaıdy.
Basqarma málimetine qaraǵanda, jyl basynan beri 23293 adam syrqattansa, sonyń 1892-si – balalar. Sonyń ishinde 1801-i jazylsa, 91 bala áli aýyryp jatyr.
Qazirgi tańda oblysta 1459 tósektik 20 ınfektsııalyq statsıonarda 640 naýqas emdelýde. Aýrýhanalar 43,9 paıyzǵa tolǵan. Sonyń ishinde Oralda 911 tósektik 7 statsıonarda 515 adam em qabyldaýda (56,3 paıyz). Jansaqtaý bólimshelerinde 109 tósek-oryn bolsa, sonyń 51-inde naýqastar (46,8 paıyz) jatyr.
Óńirde turǵyndardy egý jumystary jalǵasýda. Osy kezge deıin 9336 medıtsına qyzmetkeri, 15428 pedagog (97,13 paıyz), quqyq qorǵaý organdarynyń 4369 qyzmetkeri (88,4 paıyz), ónerkásip kásiporyndarynyń 2747 jumysshysy (93,9 paıyz), sondaı-aq medıtsınalyq-áleýmettik jáne jabyq balalar mekemeleriniń 1274 qyzmetkeri (92,8 paıyz) vaktsına qabyldady.