BQO-da soǵys ardageriniń medalin jymqyryp ketken ury ustaldy
ORAL. QazAqparat - Terekti aýdany Podstepnyı aýylynda turatyn 1923 jylǵy maıdanger áıeldiń «Uly Otan soǵysyndaǵy Jeńiske 70 jyl» medalin jáne azyq-túlik zattaryn jymqyryp ketken ury ustaldy, dep habarlaıdy «QazAqparat» HAA tilshisi.
Batys Qazaqstan oblysy ishki ister departamentinen túsken málimetke qaraǵanda, jedel izdestirý sharalary barysynda buryn birneshe ret isti bolǵan 1978 jylǵy azamat óziniń kinásin moıyndady. Urlanǵan zattar ıesine qaıtaryldy.
Osyndaı jaǵdaı Oral qalasynda da tirkeldi. Urlyqty kásip qylǵan 1994 jylǵy E. esimdi azamat áýeli «Vagonnık» saıajaı qoǵamyndaǵy garajdardyń birine enip, odan «Kedr» markaly dánekerleý apparatyn, «Interskol» elektr arasyn jáne burǵyny úptep ketken. «Dánikken qarsaq qulaǵymen in qazady», degen, eki kúnnen keıin ol «Energetık» saıajaıyndaǵy úılerdiń biriniń terezesin syndyryp kirip, «NR» noýtbýgin, altyn jáne kúmis buıymdaryn, sondaı-aq Uly Otan soǵysy ardagerine berilgen «Erligi úshin», «Eńbek ardageri», Jýkov, «Japonııany jeńgeni úshin» medaldaryn jymqyryp ketken. Bul úıdiń ıeleri - jas adamdar, shamasy, bul medaldar olardyń týysqanyna tıesili bolsa kerek.
Qazirgi kezde tergeý amaldary júrgizilip, kúdiktilerdiń basqa qylmystarǵa qatystylyǵy anyqtalýda.
