BQO-da snarıad tabyldy
ORAL. QazAqparat - Batys Qazaqstan oblysynda daladan snarıad tabyldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa keshe Terekti aýdanynda bolǵan. Terektilik turǵyn Novopavlov aýyly mańynan snarıadqa uqsas zat taýyp alǵanyn habarlaǵan.
Polıtsııa qyzmetkerleri baryp teksergende, bas jaǵyndaǵy jarylǵyshy joq snarıadtyń bóligi bolyp shyqty. Snarıadtyń uzyndyǵy 250 mm, dıametri 70 mm.
«Snarıad barlyq qaýipsizdik sharalary saqtala otyryp, joıyldy», dedi BQO polıtsııa departamentiniń baspasóz qyzmetinen.
Eske sala keteıik, budan buryn Oraldaǵy túzetý mekemesinde jarylǵysh qurylǵyǵa uqsas zat tabylǵanyn jazǵan bolatynbyz.
